منتدي مدرسه النصر الاعداديه بنات بقوص مع تحيات مدير المنتدي وائل الخريصي

ترفيهي اجتماعي ثقافي رياضي فني تعليمي

كل عام وانتم بخير بمناسبه العام الدراسي الجديد 2010/2011
ترحب اداره المدرسه بجميع الطلاب القدامي والجدد فصول الفتره الصباحيه 1/1 1/2 2/1 2/2 2/3 3/1 3/2 3/3 فصول الفتره المسائيه 1/3 1/4 /1/5 1/6 2/4 2/5 3/4 3/5

المواضيع الأخيرة

التبادل الاعلاني

www.google.com.eg


    اسمع كلام بابا وماما اللى بيوجع

    شاطر
    avatar
    ميدو

    عدد المساهمات : 17
    تاريخ التسجيل : 09/03/2010

    اسمع كلام بابا وماما اللى بيوجع

    مُساهمة من طرف ميدو في الثلاثاء مارس 23, 2010 4:49 pm

    امشى جاتك مشش فى ركبك .




    * جتها نيلة الى عايزة خلف تيجى تتفرج .



    *ذاكر ياموكوس مش فالح غير فى الهيافه والكلام الفاضى.



    * ربنا يرزقك بعيل يوريك اللي ورتهوني.



    * هات كيس عيش وانت راجع.



    * هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .



    * كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.



    * هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).


    *أوعا حد يضحك عليك ويقولك جرب السيجارة دي.



    *ابقى ورينى مين حينفعك فى الاخر من شوية الصيع الى انت مشيلى وراهم .



    * قوم اقرا لك كلمتين ينفعوك .



    * وطي المدعوق ده شويه .



    * انت فاكرنا نايمين على ودانا ؟



    *لما ما ترضاش تاكل في البيت:طبعا مانت اتعودت علي اكل بره .



    *ياريتك تحفظ دروسك زى مانت حافظ الاغانى.



    * عيـــب ... لازم تحترم اللي أكبر منك .



    * لو شفت خناقه ما لكش دعوة بيها .



    * حسونه دا عيل بايظ وماتمشيش معاه تاني .
    ههههههههههههههههههههههههههههههههه


    * مين منى دي انتى كل يوم تصاحبي واحدة جديدة ؟.



    * انته مبتكلش جزر ليه .. اجيبلك برتقانه. طب كل سلطه .



    * يبني بأسلوبك ده مش هتعيش معاك واحده .



    * قومي ساعدي امك ده اللي هيتجوزك أمه داعية عليه.



    * اوعى حد غريب يديلك حاجه تاكلها و تشربها و تاخدها منه .



    * يا ابني حرام عليك الى بتعمله فينا ده.



    * انا سايبالكوا البيت وماشية ومش حتشوفوا وشي تاني .



    * لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.



    * وانت فاكر احنا مستنيين منك حاجه .



    * المسلسل مش هينفعك ...قوم .



    *ماتقعد يابنى تكمل أكلك , انت كلت حاجة!!!
    (طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
    .



    * كفايه رغي في التليفونات .



    * كل على مهلك .. وامضغ كويس ... وما تكلش وانت واقف .. وكل من قدامك ما تحفش .



    * اطفي التلفزيون وقوم ذاكر ولا و خش اوضتك .



    * بلاش تمشى حافى البس شبشب وانته داخل الحمام .



    * ما فيش مذاكرة على المزيكا .. وازاى بتذاكر و البتاع ده شغال جنبك .



    * افرد ظهرك .



    * لم شراباتك.



    * ماتكلش فى ضوفرك.



    * كنت فين لحد دلوقتى يا صايع.



    * ماتتأخرش علشان عندك كلية بكرة بدرى.



    * انا مش عارف انته طالع لمين.



    * انا : ياماما بقه ايه ده ؟؟؟
    ماما:مووو لمـا يــــــخدك .



    * ادلع ياحسونه فى ايامك المجنونه.


    * ده منظر اودة بني آدم ، انت عايش فيها ازاي؟.



    * هو انا الخدامه الى ابوكم جبهلكم .



    * الى يطلع من الاوضه يطفى النور وراه .



    *أبوك عندك أهو اتصرف معاه .



    * اللي بيشيل قربه مخرومة بتخر عليه لوحده ..



    * لو مش فاهم حاجه ارفع ايدك و قول للأستاذ مش فاهم .. متتكسفش .



    * البس فنله قطن تحت ودفي سدرك ودخل التيشرت في بنطلون البيجامه وانته نايم .



    * يأبنى المذاكره مابتخلص .... نفسى اشوفك مره ماسك كتاب.



    * اعمل حسابك مش حندخلك جامعه خاصه.



    * قالب ليلك نهارك طول الليل صاحى وطول النهار نايم
    طبعاً ما حضرتش ولا محاضرة ولا سكشن , وطول اليوم صايع بره البيت .



    * مالكش دعوة بالسياسة .. وماتمشيش في مظاهرات .و امشي جوا الحيط.



    * احمد ربنا الاكل الى مش عجبك ده فى ناس مش لقينه .



    * التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .



    * قومي سخني الأكل لأخوكي.



    * ابوكم كان دايم بيطلع الاول على الفصل... " لما كلهم كده امال مين الى بيطلع الاخير .


    * ومن اشهر الجمل الى بتتقال كل يوم بعد الاكل :
    انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

      الوقت/التاريخ الآن هو الثلاثاء نوفمبر 21, 2017 12:35 am